Նորօրյա աղոթք

Արդեն 10 տարի, 110 տարի, 1010 տարի 

Ես վախենում եմ, 

Շատ եմ վախենում, 

Բյուրավոր ու բու'թ հավատացյալից, 

Բյուրատեսք ու սու'տ հավատացյալից: 

Եթե Աստված եք՝ 

Փչեցեք , նրանց բոլոր մոմերը, 

Մարեցե 'ք, նրանց ջահերն այլազան, 

Որ եղիցե...լու՜յս: 

Եվ ո'չ մի գավթում մի' ընդունեցեք 

Նրանց մատաղը, 

Որ իրենցը չէ, այլ գողացված է, 

Մերժեցե 'ք նրանց զո'հն էլ խոստացյալ, 

Որ ...զոհ չգնա ինքը հավատը՝ 

Մաքու՜ր -վսե՜մը, 

Անկեղ՜ծ -անսու՜տը: 

ՈՒ թե Աստված եք՝ 

Ամուր փակեցեք ձեր ականջնե'րն էլ 

Նրանց սողոսկուն աղոթքի դիմաց՝ 

Անգի՜ր -ինքնահո՜ս-հաշվեկշռվա՜ծ աղոթքների, 

Որով խաբում են ո'չ իրենց, 

Այլ ձեզ 

Եվ բավակա՜ն է-հասկացե՜ք ընդմիշտ, 

Որ Աստծուն նույնիսկ հայհոյողները 

Շա՜տ ավելի են գերադասելի, 

Վանսզի նրանց բարկացրել է ինքը հավատը՝ 

Խոցվա՜ծ -արյունո՜տ, 

Այրվո՜ղ -ապտակվա'ծ, 

Ցավա՜ծ -ճչացո'ղ, 

Մանուկ հավատը, 

Որ հայր դառնալու համար է ծնվել: 

ՈՒ , եթե Հայր եք՝ 

Մի ' թողեք, 

Որ սուտ հավատացյալներն սպանեն նրան: 

-Ինչքան էլ ծանր է մանուկ թաղելը, 

Մանուկ պահելը ծանր է ավելի...

ՊԱՐՈՒՅՐ ՍԵՎԱԿ (ԿԵՆՍԱԳՐՈՒԹՅՈՒՆ)

(ԲԱՆԱՍՏԵՍՂԾՈւԹՅՈւՆՆԵՐ)